páfagaukabúr

/Users/heis/Desktop/SDC11847.JPG

Vetrarsól

Kláraði að lesa Vetrarsól e. Auði Jónsdóttur í dag. Mér fannst hún góð, svolítið erfitt að byrja á henni því sagan var ögn lengi að fara í gang en svo var hún mjög góð og vel skrifuð. Það er líka alltaf skemmtilegt að lesa bækur eftir íslenska höfunda.
Mæli hiklaust með bókinni:

Verðir sáttmálans

Er nýbúin að lesa Verði sáttmálans e. Tom Egeland. Mér fannst þessi bók betri en bókin sem kom út í fyrra og heitir Við enda hringsins. Báðar bækurnar minna svolítið Da vince code. Verðir sáttmálans er spennandi bók, vel skrifuð og greinilegt að höfundurinn hefur unnið vinnuna sína vel, athugað heimildir og slíkt og því verður sagan frekar trúverðug. Mæli alveg með bókinni.

Lasagna sem telur fáar hitaeiningar

Þessi uppskrift af lasagna er einföld og mjög góð. Ég fékk hana í matreiðslubók sem byggir á danska kúrnum.

Lasagna

30 gr lasagnaplötur
170 gr hakkað magurt nautakjöt
100 gr gulrætur
50 gr hakkaður laukur
50 gr púrrulaukur í sneiðum
1/2-1 dós hakkaðir tómatar í dós
timian og basilikum
2 lauf hvítlaukur
salt og pipar

Brúnið kjötið og bætið lauknum og brúnið þar til hann er glær. Þá er hvítlaukurinn settur saman við. Tómarnir í dósinni eru svo settir út í og svo gulrætur og púrrulaukur. Láta malla í 10 mín. og bragðbæta með salti og pipar.

Bechamelsósa

2 1/2 dl undanrenna
3 tsk maizenamjöl
salt og pipar
smá múskat ef vill

Setjið undanrennu í pott, jafnið með maizenamjöli og bragðbætið með salti, pipar og múskat. Setjið til skiptist í elfast mót lasagnaplötur, kjötsósu og bechamelsósu. Bakað í ofni við 200° í 45 mín.

Stardust

Við hjónin horfðum á myndina Stardust í fyrrakvöld. Þetta er alveg frábær ævintýramynd, hún er hugljúf, skemmtileg og með smá spennu. Í einu orði sagt alveg yndisleg mynd.Við allavega sátum alveg stjörf fyrir framan imbann og ákváðum að við ætlum að horfa á hana aftur með krökkunum, þetta er svona ekta fjölskyldumynd.

Síðasta uppgötvun Einsteins

Síðasta uppgötvun Einsteins e. Mark Alpert er ótrúlega spennandi saga. Það er auðvelt að lesa hana og skilja, þó svo að eðlisfræði( sem hef ekki verið sleip í) skipi stóran sess í sögunni. Þessi bók hélt mér við efnið og ég lagði hana varla frá mér. Mæli með henni sem frábærri spennusögu.

Yacoubian byggingin

Yacoubian byggingin e. Alaa Al Aswany er alveg dásamleg saga sem gerist í Karíó Egyptalandi.
Þetta er saga um fólk sem býr í sömu blokk og fylgist maður með því hvernig líf íbúanna er og hvernig það fléttist saman við aðra íbúa hússins. Mér fannst þessi bók svo skemmtileg og frábær að ég lagði hana ekki frá mér fyrr en hún var búin.

Kartöflubuff

Kartöflubuff.
Ofboðslega einfalt og mjög gott.

Soðnar skrælaðar kartöflur (heitar eða kaldar)
Haframjöl
Grænmetiskraftur
Krydd eftir tilfinningu kokksins hverju sinni Soðnar skrælaðar kartöflur hrærðar vel í hrærivél. Haframjöli bætt útí, þar Til orðið er deig deig sem klístrast ekki/lítið við skálina. Þá er grænmetiskrafturinn settur útí og síðan er deigið Kryddað eftir smekk hverju sinni, t.d. með karrý, cummin og svörtum pipar. Síðan eru mótaðar litlar bollur sem eru flattar út í lítil buff og steikt á pönnu með smá olíu. Borið fram með góðu salati og ostasósu (úr smurosti, gerð eftir uppskrift á botninum á dósinni)

Myrká

Las Myrká eftir Arnald Indriðason um jólin og fannst hún mjög góð. Saknaði reyndar Erlendar, en hann kemur ekki við sögu í þessari bók. Mér fannst fléttan góð og sagan spennandi.

Kláraði svo bókina Spilin á borðið e. Agöthu Christie. Hún var svolítið löng og flókin og maður þarf að einbeita sér að henni en ágæt saga samt.

Var svo að byrja á Yacoubian byggingin e. Alaa Al-Aswany og lofar hún góðu. Segi frá bókinni þegar ég er búin með hana.

Kalkúnauppskrift

Þessi uppskrift af Kalkúna er ótrúlega góð og fljótleg.

Kryddleginn Kalkúni
1 kalkúnn, 5-6 kg
250 gr gróft salt
75 gr sykur
1 msk óregano
1 msk timían
2 tsk nýmalaður pipar
1 tsk kanill
1 tsk engifer
½ tsk chilipipar
Auk þess a.m.k 5 lítrar kalt vatn.
Látið kalkúnin þiðna. Sjóðið 1 lítra af vatni í potti, setjið salt, sykur og krydd út í og hrærið þar til saltið er alveg uppleyst. Hellið leginum þá í ílát, nægilega stórt til að rúma kalkúnann og hellið 3-4 lítrum af ísköldu vatni saman við. Látið löginn kólna vel. Setjið svo kalkúnann út í, best að bringurnar snú niður, og bætið við ísköldu vatni þar til flýtur yfir. Setjið lok yfir og látið standa á köldum stað í að a.m.k 8 klst en helst í 1-1 ½ sólarhring. Takið þá kalkúnann og skolið vel úr köldu vatni og þerrið svo. Láta hann svo standa við stofuhita í ½ - 1 klst.
1 appelsína
1 sítróna
1 laukur
3 msk olía
nýmalaður pipar

Hitið ofninn í 240-250°c. Skerið appelsínuna, sítrónuna, laukinn í bita og setjið inn í fuglinn. Setjið hann í olíuborið steikarfat, penslið hann með olíu og stráið pipar yfir eftir smekk. Þegar fuglinn hefur tekið góðan lit eða eftir c.a 20 mín, á að breiða lauslega yfir hann álpappírsörk. Steikja áfram án þess að lækka hitann þar til kjöthitamælir sem stungið hefur verið í innanvert lærið sýnir 70°c. Það ætti að taka um 1 klst og 25 mín fyrir fugl af þessari stærð. Ýta nokkrum sinnum til á steikarfatinu svo hann brenni síður við botninn, en reynið annars að opna ofninn sem minnst. Takið fuglinn út þegar hann er tilbúinn, hafið álpappírinn yfir honum og breiðið jafnvel handklæði yfir líka til að halda hitanum. Látið standa í hálftíma eða lengur.